పాక్…ఇప్పటికైనా కళ్లు తెరవాలి: వెంకయ్య

after-quetta-attack-pak-may-be-realised-on-terrorism-says-venkaiah

క్వెట్టాలో ఉగ్రవాదులు దాడి చేసి 61 మందిని బలి తీసుకున్న నేపథ్యంలో పాకిస్థాన్‌కు టెర్రరిజం తీవ్రత తెలిసొచ్చి పశ్చాపత్తం చెందాలని కేంద్ర మంత్రి వెంకయ్య నాయుడు అన్నారు. ‘పాకిస్థాన్ తీవ్రవాద పాలసీని అవలంభించడం ఆత్మహత్య సాదృశ్యమే. క్వెట్టా దాడి అనంతరమైన కళ్లు తెరవాలి. మీరు తీవ్రవాదాన్ని ప్రొత్సహిస్తే ఏదో ఒకరోజు మీరూ బాధితులుగా మిగిలిపోతారు. ఇప్పటికైనా పాకిస్థాన్ కళ్లు తెరిచి…తీవ్రవాదాన్ని ప్రొత్సహించడంపై సమీక్షించుకొని అన్ని రకాల టెర్రర్ గ్రూపులను తొలగిస్తుందని, ముంబై పేలుళ్ల (2008) సూత్రధారులను అప్పగిస్తుందని ఆశిస్తున్నా’ అని ఆయన ఆశాభావం వ్యక్తం చేశారు. పొరుగు దేశాలతో స్నేహపూర్వకంగా మెలగాలన్నదే భారత్ అభిమతమని వెంకయ్య స్పష్టం చేశారు. ‘మేం అన్ని పొరుగుదేశాలతో సన్నిహిత సంబంధాలు నెరపాలని భావిస్తున్నాం. కానీ పాకిస్థాన్ అవసరిస్తున్న విధానాలను మార్చుకోవాలి. భారత్, ఆప్ఘానిస్తాన్ లపై దాడిచేసిన వారిని పాకిస్థాన్ గుడ్ టెర్రరిస్టులుగా కీర్తిస్తోంది. పాకిస్థాన్ లో దాడికి తెగబడితే బ్యాడ్ టెర్రరిస్టుగా ముద్ర వేస్తోందని’ హెద్దేవా చేసిన వెంకయ్య.. తీవ్రవాదుల్లో మంచివాళ్లు, చెడ్డవాళ్లు ఉండరని అంతా ఒకటే నని ఆయన అన్నారు. ముంబై పేలుళ్ల మాస్టర్ మైండ్ మసూద్ అజార్, పఠాన్ కోట్ దాడి సూత్రధారి హఫీజ్ సయీద్ పాకిస్థాన్ లో స్వేచ్ఛగా తిరుగుతున్నారని వెంకయ్య మండిపడ్డారు. తీవ్రవాదానికి ప్రాంతాలతో సంబంధం ఉండదని, దానితో పోరాడేందుకు ప్రపంచమంతా ఏకం కావాలని పిలుపునిచ్చిన వెంకయ్య…తీవ్రవాదాన్ని అణిచివేయడంలో పాకిస్థాన్ కృషి చేస్తోందని ఆశిస్తున్నట్లు చెప్పారు.

Be the first to comment

Leave a Reply

Your email address will not be published.


*