నీడనివ్వని వెలగపూడి, ఉద్యోగుల కష్టాల జడి

all-is-not-cool-at-velagapudi-for-ap-employees

ఆంధ్రప్రదేశ్ సచివాలయం ఏర్పాటు చేసిన వెలగపూడిలో పలు సమస్యలు ఉద్యోగులను వేధిస్తున్నాయి. దసరా పండగ తర్వాత హైదరాబాద్ దాదాపు 90శాతం మంది ఉద్యోగులు సచివాలయం చేరుకున్నారు.. అయితే ఇక్కడ ఇంకా అన్ని శాఖలకు సరిపడా ఏర్పాట్లు లేకపోవడతో ఉద్యోగులు ఇబ్బందులు పడుతున్నారు. శాఖలకు గదులు, కంప్యూటర్లు, ఇంటర్నెట్ కనెక్షన్, పైళ్లు సేకరణ వంటి అంశాలు ఇంకా సర్ధుబాటులో ఉన్నాయి. కీలకమైన శాఖల హెడాఫీసులకు ఇంకా కంప్యూటర్లు లేవు. ఇంటర్నెట్ కనెక్షన్ లేదు. ఇదంతా ఒక్క ఎత్తైతే ఇక్కడ పనిచేసేందుకు వచ్చిన మహిళా ఉద్యోగుల కష్టాలు అన్నీఇన్నీ కావు. అమరావతిలో స్థిర నివాసం ఏర్పాటు చేసుకోవడమో లేక అద్దె ఇల్లు చూసుకోవడం వంటి సర్దుకునేదాకా ప్రభుత్వం ఇక్కడి రెయిన్ ట్రీ అపార్ట్ మెంట్ లో మహిళా ఉద్యోగులు ఉండేదుకు హాస్టల్ వసతి కల్పించారు. ఆరు నెలల పాటు ఉచిత లాడ్జింగ్ అండ్ బోర్డింగ్ సదుపాయం కల్పించారు. కానీ ఉద్యోగులుండే హాస్టల్ వెలగపూడికి సరిగ్గా 20 కిలోమీటర్లు ఉండటతో…వారు ఇక్కడికి చేరుకోవడానికి దాదాపు 2గంటల సమయం పడుతుంది. అయితే కొత్త రాజధాని ఎక్కువ కష్టపడాలని సీఎం చంద్రబాబు చెబుతున్నా…రెండు గంటలు హాస్టల్ నుంచి సచివాలయం చేరుకోవడానికే సరిపోతుంది. ‘మాది విజయవాడ. ఇక్కడే చదివాను. ఇక్కడ పనిచేయడం చాలా సంతోషంగా ఉంది. కానీ స్థానిక పరిస్థితులు, సమస్యలు ఇబ్బందిగా ఉన్నాయి. సచివాలయానికి చేరుకోవడానికే 2గంటల సమయం పడుతోంది. రహదారులు బాగాలేవు. అధికారులు ఈ విషయం దృష్టిలో ఉంచుకోవాలి’ అని రెవెన్యూ శాఖలోని సెక్షన్ ఆఫీసులో పనిచేస్తున్న ఎస్.పద్మజ కోరుతున్నారు. మహిళా ఉద్యోగుల కష్టాలు ఇలా ఉంటే పురుష ఎంప్లాయిస్ బాధలు మరోవిధంగా ఉన్నాయి. తమ కుటుంబాలతో సహా వెలగపూడి వచ్చిన పురుష ఉద్యోగులు ఉండేందుకు అద్దె ఇళ్లు దొరకడం లేదు.
‘మా కష్టాలు మహిళా ఉద్యోగుల కంటే ఘోరమైనవి. ప్రభుత్వం మాకు హాస్టల్ సదుపాయం కల్పించకపోవడంతో మేమే అద్దె ఇళ్లు వెతుక్కుంటున్నాం. కానీ హైదరాబాద్ లో కంటే అద్దెలు అధికంగా ఉన్నాయి’ అని సాధారణ పరిపాలన శాఖలోని అసిస్టెంట్ సెక్షన్ ఆఫీసర్ గా పనిచేసే ఎస్ శ్రీనివాస్ ఆవేదన వ్యక్తం చేశారు.  క్యాంటీన్ సరిగ్గా లేకపోవడంతో మధ్యాహ్నా భోజనానికి కూడా ఉద్యోగులు ఇబ్బందులు పడుతున్నారు. పొదుపు సంఘం ఆధ్వర్యంలో సచివాలయం కాంప్లెక్స్ లో తాత్కాలిక క్యాంటిన్ ఏర్పాటు చేసినా అందులో అందరికీ సరిపడా భోజనాలు, ఇతర ఆహార పదార్థాలు లభించడం లేదు. హైదరాబాద్ లోనే కుటుంబాలను వదిలి పనిచేయడానికి వెలగపూడి వచ్చిన ఉద్యోగులకు వారానికి 5రోజులు పనిచేసే వెసులుబాటు కల్పించినా..పేరుకుపోయిన పైళ్లు, అపరిష్కృతంగా ఉన్న వివిధ దస్త్రాల క్లియరెన్సుల కోసం వీరు కూడా మిగతావారిలాగే ఆరురోజులు, ఎనిమిదిగంటలకు మించి పనిచేయాల్సిన పరిస్థితి నెలకొంది. ఇన్ని సమస్యలున్నా ప్రజల కోసం అధిక గంటలైనా కష్టపడి పనిచేస్తామని చెబుతున్న ఉద్యోగుల కష్టాలు ప్రభుత్వం పట్టించుకోవాల్సిన అవసరం ఎంతైనా ఉంది.

Be the first to comment

Leave a Reply

Your email address will not be published.


*