ఆ ఆరు రాష్ట్రాల్లో దాడులు జరిగే అవకాశం!

delhi-5-other-states-put-on-high-alert

భారత సర్జికల్ స్ట్రయిక్స్ విజయవంతమైనప్పటి నుంచి పాక్ భారత్ పై ఏదో ఒక విధంగా దాడి చేయాలని ప్రయత్నిస్తోంది. సరిహద్దు వెంబడి కొన్ని చోట్ల మన జవానులపై కాల్పులు జరుపుతూ కవ్వింపు చర్యలకు దిగుతోంది. లోపాయికారీగా ఉగ్రవాదులను మన దేశంపైకి దాడులకు పంపే అవకాశం కూడా ఉన్నట్టు ఇంటెలిజెన్స్ వర్గాలు తెలిపాయి. దీంతో కేంద్ర హోం మినిస్ట్రీ ఆరు రాష్ట్రాలను అలర్ట్ చేస్తూ శుక్రవారం సందేశం పంపింది. ఢిల్లీ, రాజస్థాన్, పంజాబ్, జమ్మూకాశ్మీర్, మహారాష్ట్ర, గుజరాత్ లో ఉగ్రదాడులు జరిగే అవకాశం ఉందని పేర్కొంది. ఆ రాష్ట్రాల్లో షాపింగ్ మాల్స్, జనాలు ఎక్కువగా ఉండే ప్రదేశాలు, ఎయిర్ పోర్టులు, చారిత్రక కట్టడాలు, ప్రభుత్వ కార్యాలయాల దగ్గర భారీగా భద్రత పెంచాలని ఆదేశించింది. అలాగే మిగతా రాష్ట్రాలు కూడా అప్రమత్తంగా ఉండాలని ఆదేశించింది. ఇంటెలిజెన్స్ వర్గాల చెప్పిన సమాచారం మేరకు ఢిల్లీలో దాడులు చేసేందుకు ఐసిస్ ఆధ్వర్యంలో భారీ ఆయుధాలతో ఓ గ్రూపు సిద్ధమవుతోంది. భారత ఆర్మీతో నేరుగా పోరాడే ధైర్యం లేని పాక్ ఇలా ఉగ్రవాదులను మన దేశం మీదకి వదిలి అరాచకం సృష్టించాలని భావిస్తోంది. ఇప్పటికే చొరబడిన ఉగ్రవాదులు దేశంలో అజ్ఞాతంలో ఉండి ఉండొచ్చని, లేదా వివిధ మార్గాల ద్వారా దేశంలోకి అక్రమంగా ప్రవేశించవచ్చని ఇంటెలిజెన్స్ బ్యూరో చెబుతోంది. అసతే అక్టోబర్ అంతా పండగల నెల కావడంతో మరింత జాగ్రత్తలు తీసుకోవాలని హెచ్చరిచ్చింది. దేశ రాజధానే మొదటి టార్గెట్ గా ఉగ్రవాదులు పెట్టుకున్నట్టు చెప్పింది. అందుకే ఢిల్లీ పోలీసులను జనాలు ఎక్కువగా చోటల్లా గస్తీకి పెట్టాలని, సీఐఎస్ఎఫ్ జవానులతో ఎర్రకోట, తాజ్ మహల్ వంటి చారిత్రక కట్టడాల వద్ద భారీగా మోహరింపజేయాలని కేంద్ర హోంశాఖ నిర్ణయించింది.

Be the first to comment

Leave a Reply

Your email address will not be published.


*