దాడులకు పాక్ పక్కా వ్యూహం, ఇదిగో సాక్ష్యం

here-is-the-proof-of-terrorists-from-pakistan

సర్జికల్ దాడుల తర్వాత ప్రతికారం కోసం పాకిస్థాన్ రగిలిపోతుంది. పాకిస్థాన్ ఆక్రమిత కశ్మీర్ లో సర్జికల్ దాడులు జరిగిన మరుసటి రోజు నుంచి నేటి దాకా సరిహద్దు నియంత్రణ రేఖ వద్ద పాక్ సైన్యం దాదాపు 25సార్లు కాల్పుల విరమణ ఒప్పందాన్ని ఉల్లంఘించింది. అంతేగాకుండా దీనికితోడు తీవ్రవాదులను ప్రేరిపిస్తూ దాడులు చేయిస్తోంది. గురువారం ఉదయం ఉత్తర కశ్మీర్ హంద్వారాలోని లంగటే 30 రాష్ట్రీయ రైఫిల్స్ పై ఉగ్రవాదులు దాడి చేశారు. సరిహద్దుల్లో ఏక్షణాన్నైనా తీవ్రవాదులు పేట్రేగిపోవచ్చన్న ఇంటెలిజెన్స్ వర్గాల హెచ్చరికల నేపథ్యంలో భారత సైన్యం పూర్తి స్థాయిలో అప్రమత్తతో ఉంది. దీంతో ఉగ్రవాదుల దాడులను సైనికులు తిప్పి కొట్టారు. ‘ఉదయం 5 గంటలకు సైనిక శిబిరంపై తీవ్రవాదులు కాల్పులు జరిపారు. వారికి దీటుగా సమాధానం చెప్పాం’ అని కల్నల్ రాజీవ్ చెప్పారు. అయితే ఈ తీవ్రవాదులు ఉరీ తరహాలు దాడులకు తెగబడేందుకు వ్యూహ రచన చేస్తున్నట్లు తెలుస్తోంది. ఆర్మీ జరిపిన కాల్పుల్లో మృతి చెందిన తీవ్రవాదుల దగ్గర కీలక ఆధారాలు లభించాయి. ఏకే 47 తుపాకులు, గ్రనేడ్ లాంచర్లు, పెద్దఎత్తున మందుగుండు సామగ్రి, పీపీఎస్ సిస్టమ్, రేడియో సెట్లు, ఇండియా మ్యాప్ లతో పాటు పాకిస్థాన్ లో ప్యాక్ చేసినట్లు స్పష్టంగా నిరూపణయ్యే ఫుడ్ ప్యాకెట్లు లభ్యమయ్యాయి. గురువారం ఉదయం సరిహద్దుల్లో ఆర్మీ జరిపిన కాల్పుల్లో ఎంతమంది తీవ్రవాదులు చనిపోయారనేది ఇంకా తెలియాల్సి ఉంది. తీవ్రవాదులు సరిహద్దుల గుండా దేశంలోకి అడుగుపెట్టేందుకు పాక్ ఆర్మీ సహకరిస్తుందని ఇండియన్ ఆర్మీ ఆరోపిస్తోంది. తీవ్రవాదులకు తాము ఆశ్రయం ఇవ్వడం లేదని పాకిస్థాన్ చెబుతున్నా…వారు అక్కడే ఆశ్రయం పొందుతున్నట్లు మరోసారి నిరూపణ అయ్యింది.

Be the first to comment

Leave a Reply

Your email address will not be published.


*