ఫ్లోరిడా నుంచి దక్షిణ కరొలినా వరకు మాథ్యూ బీభత్సం

hurricane-matthew-threatens-fatal-flooding-from-florida-to-south-carolina

మాథ్యూ తుపాను ప్రస్తుతం ఫ్లోరిడా నుంచి దక్షిణ కరొలినా వరకు బీభత్సం స్రుష్టిస్తోంది. అక్కడ కుండపోతగా వర్షం కురుస్తోంది. అమెరికాలోని ఆగేయప్రాంతంలైనా జాక్సన్‌విలే, ఫ్లోరిడా, సావన్నా, జార్జియా నగరాలు హరికేన్ మాథ్యూతో అల్లాడిపోతున్నాయి. నిన్న ఫ్లోరిడాలో అత్యవసర పరిస్థితిని ప్రకటించిన అమెరికా అధ్యక్షుడు ఒబామా తర్వాత జార్జియా, దక్షిణ కరొలినా రాష్ట్రాల్లో ఎమర్జెన్సీ ప్రకటించారు. అమెరికాలో మొత్తంగా కోటీ 20లక్షల మంది ప్రజలపై ఈ తుపాను ప్రభావం ఉండే అవకాశం ఉంది. శనివారం వరకు 3,862 విమానాలను రద్దు చేశారు. ఫ్లోరిడాలో మొత్తం అంధకారంలో మునిగిపోయింది. ఫ్లోరిడాలోని కేప్ కెనవెరల్‌లో గాలుల తీవ్రత 171 కి.మీ.లుగా నమోదైంది. ఫ్లోరిడా తీర ప్రాంతాల నుంచి 20 లక్షల మందిని సురక్షిత ప్రాంతాలకు తరలించారు. 2007లో హరికేన్ ఫెలిక్స్ తర్వాత కేటగిరి 5 స్థాయి తుపాను మాథ్యూనేనంట. కాగా దక్షిణ హైతీని తీవ్రంగా కుదిపేసిన మాథ్యూ తుపాను వల్ల చనిపోయే వారి సంఖ్య రోజురోజుకు పెరిగిపోతోంది. ఇప్పటివరకు 800మందికి పైగా మరణించారని ఈ ప్రాంత సెనెటర్‌ హెర్వ్‌ చెప్పారు. హైతీలోని దక్షిణ ద్వీపం తుపాను తాకిడికి పూర్తిగా దెబ్బతింది. తుపాను బీభత్సంతో ఆదివారం జరగాల్సిన అధ్యక్ష ఎన్నికలను వాయిదా వేశారు. బహమాస్, జమైకా, క్యూబా, డొమినికన్ రిపబ్లిక్, సెయింట్ విన్సెంట్, గ్రెనడాల్లోను మాథ్యూ తీవ్ర నష్టాన్ని మిగిల్చింది. ఈ దేశాల్లో దాదాపు 150 మంది మరణించారు.

Be the first to comment

Leave a Reply

Your email address will not be published.


*