ఆ నిర్లక్ష్యం ఖరీదు రూ.40 వేల కోట్లు!

once-bengaluru-had-964-lakes-now-the-number-is-down-to-400

రాబోయే రోజుల్లో తాగు నీటి కోసం బెంగళూరుకు మరిన్ని తిప్పలు తప్పవంటున్నారు నిపుణులు. ఈ ఏడాది సాధారాణ స్థాయి కంటే తక్కువ వర్షపాతం నమోదవడంతో కావేరీ జలాల కోసం వచ్చే నైరుతి వరకు వేచిచూడటం తప్పదు. ఒకప్పడు బెంగళూరులో సుమారు 964 చెరువులు ఉండేవి. గత కొన్నేళ్లుగా పాలకుల నిర్లక్ష్యం, పెరిగిన పట్టీణకరణ వల్ల ఇవి ప్రస్తుతం 400కు కుచించుకుపోయాయి. చెరువుల పునరుద్దరణ కోసం కొన్ని స్వచ్చంద సంస్థలు చేపట్టిన కార్యక్రమాలు అంతగా ఫలితాన్ని ఇవ్వడం లేదు. దీనిపై దృష్టిసారించి సరైన ప్రయత్నాలు చేస్తేగాని నీటి ఎద్దడిని నివారించలేమని నిపుణులు వ్యాఖ్యానిస్తున్నారు. బెంగళూరు ఎన్విరాన్‌మెంట్ ట్రస్ట్ చేపట్టిన అధ్యయనంలో చెరువులు, వాన నీటి కాలువల పునరుద్దరణ కోసం సుమారు రూ.40 వేల కోట్ల అవసరమవుతాయని ప్రభుత్వ మాజీ ప్రధాన కార్యదర్శి వి. బాలసుబ్రమణియన్ అన్నారు. బెంగళూరు ఎదుర్కొంటున్న నీటి సమస్యపై నిర్వహించిన వర్క్‌షాప్‌లో ఆయన మాట్లాడుతూ దీనికోసం తప్పనిసరిగా చెరువుల పునరుద్దరణ చేపట్టాలని ఆయన అన్నారు. కర్ణాటక స్టేట్ పొల్యూషన్ కంట్రోల్ బోర్డ్ నిర్వహించిన వర్క్‌షాప్‌నకు, మీడియా ల్యాబ్, ఎలక్ట్రానిక్స్ సిటీ ఇండస్ట్రీస్ అసోసియేషన్, ఇండియా వాటర్ పోర్టల్, బయోమి సహాకారం అందించాయి. వాన నీటిని సంరక్షించి, దాన్ని శుద్ధచేసి నిల్వ చేయడం వల్ల నీటి కొరత తీరుతుందని బాలసుబ్రమణియన్ అన్నారు. ప్రస్తుతం బెంగళూరులో 14 నీటి శుద్ధి కేంద్రాలు పనిచేస్తున్నాయి…మరో 11 నిర్మాణ దశలో ఉన్నాయి. ఇవన్నీ పూర్తిస్థాయి వినియోగంలోకి వస్తే నీటి సమస్యను కొంత మేర అధిగమించవచ్చని అన్నారు. రూ.40 వేల కోట్ల అంటే ఇది చాలా ఎక్కువ మొత్తం… ప్రధాన సమస్య ఐటీ పరిశ్రమల నుంచే ఎదురవుతుందని అన్నారు. అంతే కాకుండా బహుళజాతి కంపెనీలు ప్రభుత్వం ఇచ్చే రాయితీల వల్ల లబ్ధి పొందుతున్నాయి….ఐటీ కంపెనీలు తిరిగి కొంత చెల్లించి బెంగళూరు నగరాన్ని కాపాడాలని మాజీ ప్రధాన కార్యదర్శి తెలిపారు. నాలుగేళ్ల క్రితం సెంటర్ ఫర్ సైన్స్ అండ్ ఎన్విరాన్‌మెంట్ చేపట్టిన అధ్యయనంలో అత్యంత మురుగునీరు కలిగిన 71 నగరాల్లో బెంగళూరు కూడా ఉందని తేలింది. అలాగే పబ్లిక్ ఇన్‌స్టిట్యూట్ ఆప్ హెల్త్ సర్వేలో కూడా సరఫరా చేస్తున్న 19 శాతం నీటిలో ఇ-కొలీ బ్యాక్టిరియా ప్రమాదకర స్థాయిలో ఉందని తేలిందని ఆయన అన్నారు.

Be the first to comment

Leave a Reply

Your email address will not be published.


*