పవన్ కళ్యాణ్ ఏం చేస్తున్నాడు రాజా?: పోసాని

posani-krishna-murali-hot-comments-on-pawan-kalyan

పోసాని కృష్ణ మురళి చాలా స్ట్రైట్ ఫార్వాడ్. కడుపులో ఏదీ దాచుకోడు. ఏదైనా సరే ఉన్నది ఉన్నట్లు బల్లగుద్ది చెప్తాడు. తనకు నచ్చితే ఎవర్నైనా సరే ఐ లవ్యూ రాజా అంటాడు. నచ్చకపోతే మొఖం మీదనే చెప్పేస్తాడు. తనని తాను కూడా విమర్శించుకోవటానికి వెనకాడడు. నటుడు, రచయిత, దర్శకుడు అయిన పోసాని కృష్ణ మురళి ఓ ఇంటర్వ్యూలో మెగా బ్రదర్స్ చిరంజీవి, పవన్ కళ్యాణ్ లపై చేసిన కామెంట్స్ ఇప్పుడు హాట్ టాపిక్ అవుతున్నాయి.
రాజకీయాల ప్రస్తావన వచ్చినపుడు పోసాని మాట్లాడుతూ అప్పట్లో తన వైఖరి నచ్చి చిరంజీవి పిలిచి మరీ ప్రజారాజ్యం పార్టీలో సీట్ ఇచ్చారనీ అందుకుగాను తన దగ్గర ఒక్క పైసా కూడా చిరంజీవి తీసుకోలేదని చిరుని కొనియాడారు. అయితే పవన్ కళ్యాణ్ గురించి మాత్రం మాట్లాడనని పోసాని అన్నారు.తాను ఒకరి గురించి మాట్లాడాలంటే వారు నిజాయితీ పరుడైనా అవ్వాలి.. లేదంటే చెడ్డవాడైనా అవ్వాలి.. అంటూ తన స్టైల్లో సమాధానం ఇచ్చాడు. సినిమాల్లో హీరోగా పవన్ గొప్పోడే.. కానీ రాజకీయంగా ఆయన ఏం చేస్తున్నాడో తనకింకా తెలియట్లేదని పోసాని కామెంట్ చేశారు. అయితే ఇప్పుడు ఇదే హాట్ టాపిక్ అవుతోంది. అంటే పోసాని దృష్టిలో పవన్ కళ్యాణ్ నిజాయితీ పరుడు కాదా..? పవన్ పట్ల పోసాని ఉద్దేశ్యం ఏంటి అనే దానిపై ఇప్పుడు చర్చ జరుగుతోంది.

Be the first to comment

Leave a Reply

Your email address will not be published.


*