ఐడీఎస్ ద్వారా రూ.65 వేల కోట్ల నల్లధనం: అరుణ్ జైట్లీ

rs-65250-crore-declared-under-income-tax-amnesty-scheme-arun-jaitley

కేంద్ర ప్రభుత్వం ప్రకటించిన ఆదాయ వెల్లడి పథకం ద్వారా సుమారు 64,275 మంది రూ.65,250 కోట్ల రూపాయల విలువైన ఆస్తుల వివరాలను వెల్లడించారని కేంద్ర ఆర్థిక మంత్రి జైట్లీ శనివారం తెలిపారు. దీనివల్ల ప్రభుత్వానికి రూ.30 వేల కోట్ల లబ్ది చేకూరుతుందని జైట్లీ వివరించారు. ఈ పథకం గత జూన్ 1 నుంచి సెప్టెంబరు 30 వరకు అందుబాటులో ఉంది. ఇప్పటివరకు ఆఫ్‌లైన్, ఆన్‌లైన్ ద్వారా వచ్చిన వివరాలను ఐటీ వర్గాలు మదింపుచేస్తున్నాయని ఆయన పేర్కొన్నారు. దీన్ని ఇంకోసారి పరిశీలిస్తామని అన్నారు. దీని ద్వారా సమకూరిన ఆదాయాన్ని సామాజిక భద్రత కోసం వినియోగిస్తామని జైట్లీ తెలియజేశారు. సుమారుగా కొంత మంది సగటున రూ. 1.కోటి, కొంత మంది రూ.1 కోటి అంతకంటే ఎక్కువ విలువ, మరి కొంత మంది కోటి కన్నా తక్కువ విలువైన ఆస్తులను వెల్లడించారని ఆయన తెలిపారు. ఈ పథకం ద్వారా ఆస్తుల వెల్లడించిన వారి పేర్లను ప్రకటించమని అన్నారు. అంతే కాకుండా వీరికి సంబంధించిన నిర్దిష్ట సమాచారం కూడా ఇవ్వలేమని అన్నారు. నల్లధన్నాన్ని వెలికితీసే ప్రయత్నంలో భాగంగా కేంద్ర ప్రభుత్వం తీసుకొచ్చిన ఆదాయ వెల్లడి పథకం (ఐడీఎస్) గడువు సెప్టెంబర్ 30తో ముగిసింది.

Be the first to comment

Leave a Reply

Your email address will not be published.


*