జీ శాట్-18 ప్రయోగం సక్సెస్…

science-technology

అంతరిక్ష ప్రయోగాల్లో భారత్ మరో ముందడుగు వేసింది. ఇస్రో ప్రతిష్టాత్మకంగా తీసుకున్న జీ శాట్ ప్రయోగం సక్సెస్ అయింది. ఫ్రెంచ్ గయానాలో కౌర్ అంతరిక్ష కేంద్రం నుంచి భారత్ ప్రయోగించిన జీ శ్యాట్ ఉపగ్రహం.. ఏరియాన్ -5, వీఏ-231 రాకెట్ ద్వారా అంతరిక్షంలోకి విజయవంతంగా ప్రవేశపెట్టారు. భారత కాలమానం ప్రకారం ఈ రోజు (గురువారం) తెల్లవారుజామన 2 గంటల సమయంలో ఈ ప్రయోగం జరిగింది. వాస్తవానికి నిన్ననే ఈ ప్రయోగం జరగాల్సి ఉంది. వాతావారణ పరిస్థితులు అనుకూలంగా లేకపోవడంతో ఈ ప్రయోగాన్ని ఒక్క రోజు పాటు తాత్కాలికంగా వాయిదా వేయాల్సి వచ్చింది. కాగా జీ శాట్ 18 ప్రయోగంతో భారత టెలికమ్యూనికేషన్ వ్యవస్థ మరింత మెరుగుపడనుంది. ఇప్పటికే దేశీయ టెలికమ్యూనిసేషన్ రంగంలో భారత్ కు చెందిన 14 సమాచార ఉపగ్రహాలు సేవలందిస్తున్నాయి. తాజాగా ప్రయోగించిన జీ శాట్ ఉపగ్రహంతో మరింత మెరుగైన సేవలు పొందే అవకాశముందని శాస్త్రవేత్తలు వెల్లడించారు. 3404 కిలోల బరువుగల ఈ జీ శ్యాట్ లో 48 వరకు సమాచార వ్యవస్థ ట్రాన్స్పాండర్స్ ఉంటాయి. వీటి ద్వారా నాణ్యమైన కమ్యూనికేషన్ సేవలను అందించవచ్చని తెలిపారు.

Be the first to comment

Leave a Reply

Your email address will not be published.


*