మంచి మనసు చాటుకున్న ముఖ్యమంత్రి!

state-news/cm-has-announced-financial-support-of-rs-10-lakh-to-the-injured-nsg-commando-k-sriramulu

ఆంధ్రప్రదేశ్ ముఖ్యమంత్రి చంద్రబాబు నాయుడు మరోసారి తన మంచి మనసు చాటుకున్నారు. బాంబు నిర్వీర్యం చేసే క్రమంలో తీవ్రంగా గాయపడిన ఓ కమాండోకు ఆయన రూ.10 లక్షల ఆర్థిక సాయాన్ని ప్రకటించారు. ఈ ఏడాది తొలినాళ్లలో పంజాబ్‌లోని పఠాన్‌కోట్ ఎయిర్‌బేస్‌పై దాడికి పాల్పడిన ఉగ్రవాదులు అక్కడ కొన్ని బాంబులను అమర్చారు. వాటిని ఎన్‌ఎస్జీకి చెందిన బాంబ్ స్క్వాడ్ టీం నిర్వీర్యం చేసింది. ఈ క్రమంలో ఓ బాంబును నిర్వీర్యం చేస్తుండగా, పొరబాటున అది పేలింది. ఈ ఘటనలో బాంబ్ స్క్వాడ్ బృందంలో సభ్యుడిగా ఉన్న ఏపీకి చెందిన కమాండర్ శ్రీరాములు తీవ్రంగా గాయపడ్డారు. ఐదు నెలలపాటు కోమాలో ఉన్న ఆయన ఇప్పటికీ పూర్తిగా కోలుకోలేదు. ఆయన కుటుంబం ఆర్థికంగా చితికిపోయింది. దీంతో శ్రీకాకుళం జిల్లాకు చెందిన శ్రీరాములును తోటి ఎన్ఎస్జీ సిబ్బంది మంగళవారం సాయంత్రం ముఖ్యమంత్రి కార్యాలయానికి తీసుకొచ్చారు. శ్రీరాములు పరిస్థితి చూసి చలించిన చంద్రబాబు.. అతడికి ప్రభుత్వం తరఫున ఆర్థిక సాయం అందిస్తామని ప్రకటించారు. అంతేకాకుండా శ్రీరాములుకు ఇంటి స్థలం కేటాయిస్తామని, అతడి కుటుంబాన్ని ఆదుకుంటామని సీఎం హామీ ఇచ్చారు. దేశం కోసం ప్రాణత్యాగానికి సైతం వెనుకాడని సైనికుడికి ముఖ్యమంత్రి ఇలా బాసటగా నిలవడం నిజంగా అభినందనీయం కదూ..

Be the first to comment

Leave a Reply

Your email address will not be published.


*