తాజ్ హోటల్స్ ఉద్యోగులకు బంపర్ ఆఫర్

taj-offers-free-10-day-stay-offer-on-taj-properties-to-all-employeesarticleshow

తాజ్ హోటల్స్‌లో పనిచేస్తున్న స్టాఫ్‌కు ఆ సంస్థ ఎప్పుడూ లేని విధంగా బంపర్ ఆఫర్ ప్రకటించింది. వారి సంస్థలో పనిచేసే ఉద్యోగులకు తాజ్ హోటల్స్‌లో ఏడాదికి పది రోజుల పాటూ కుటుంబంతో ఉచితంగా ఉండవచ్చని తెలిపింది. తాజ్ హోటల్స్ లో పనిచేస్తున్న ఉద్యోగుల సంఖ్య పాతిక వేల వరకు ఉంది. వారందరికీ ఈ ఆఫర్ వర్తిస్తుంది. ముంబై నుంచి మాల్దీవుల వరకు ఏ నగరంలో ఉన్న తాజ్ హోటల్లో అయినా వారు ఉండొచ్చు. మీల్స్ విషయంలో 50 శాతం ఖర్చులు కూడా భరిస్తుంది. ఈ ఆఫర్ గురించి ఇండియన్ హోటల్స్ కంపెనీ (తాజ్ హోటల్స్ ని నిర్వహిస్తున్న సంస్థ) ఎండీ రాకేష్ సర్నే మాట్లాడుతూ… తాము ఉద్యోగులందరికీ ఎక్కువ జీతాలు ఇవ్వలేమని, అందుకే ఇలాంటి ఆఫర్ లు పెడుతున్నామని తెలిపారు. అక్టోబర్ 1 నుంచే ఈ ఆఫర్ అందుబాటులోకి వస్తున్నట్టు చెప్పారు. అలాగే తమ ఉద్యోగులకు కూరగాయలు, పండ్లు, ఇతర సరుకులు సబ్సిడీ మీద తక్కువ ధరకు వచ్చే ఏర్పాటు కూడా చేస్తున్నట్టు తెలిపారు. అలాగే చెఫ్ ల పని గంటల విషయంలో మార్పులు చేస్తున్నట్టు చెప్పారు. ప్రతి వారం ఉండే వీక్ ఆఫ్ తో పాటూ నెలకి రెండు సెలవులు అదనంగా ఉద్యోగులకు ఇస్తున్నట్టు తెలిపారు. తాజ్ హోటల్స్ టాటా గ్రూపునకు చెందినవి.

Be the first to comment

Leave a Reply

Your email address will not be published.


*