డాక్టర్‌నన్నాడు పెళ్లి పేరుతో లక్షలు కాజేశాడు

woman-cheated-by-man-by-false-marriage-proposal

ఆన్ లైన్ మాట్రిమోనియల్ సంబంధాల పేరుతో మోసాలు వెలుగు చూస్తున్నాయి. హైదరాబాద్ లో బేగంపేటలోని ఓ కాలేజీలో అధ్యాపకురాలిగా పనిచేసే మహిళ మాట్రిమోనియల్ సంబంధంతో నిలువుదోపిడికి గురైంది. పెళ్లి సంబధాల కోసం తన ప్రొఫెల్ ను ఓ మాట్రిమోనియల్ వెబ్ సైట్ లో నమోదు చేయించుకుంది. ప్రొఫైల్ నచ్చిందని ఓ యువకుడు ఆమెకు ఫోన్ చేశాడు. బగ్దాద్ లో డాక్టర్ గా పనిచేస్తున్నానని తనను తాను పరిచయం చేసుకున్నాడు. కొన్నాళ్లయ్యాక బాగ్దాద్ లో తాను సంపాదించిన ఆస్తులు, డబ్బులను బంగారం రూపంలోకి మారుస్తున్నాని, ఆ బంగారాన్ని పార్సిల్ చేసి తనకు పంపిస్తున్నానని ఆమెకు చెప్పాడు. అతడు చెప్పిన ‘బంగారు’ మాటలకు పొంగి పోయిన ఆమె.. తనకు కాబోయే భర్త ‘బంగారం’ అంటూ ముసిరిపోయింది. రెండు మూడు రోజులు గడిచాక ఒక వ్యక్తి నుంచి ఆమెకు ఫోన్ వచ్చింది. తాము కస్టమ్స్ అధికారులమని పరిచయం చేసుకున్నారు. ‘మీకు బాగ్దాద్ నుంచి పార్సిల్ వచ్చింది. దాన్నిఅప్పగించాలంటే కస్టమ్స్ డ్యూటీ కింద రూ.34లక్షలు చెల్లించాలని’ చెప్పారు. సంతోషంతో కాబోయే భర్త పంపించే పార్శిల్ కోసం నకిలీ కస్టమ్స్ అధికారులు అడిగిన డబ్బులు వారు చెప్పిన వివిధ బ్యాంకు ఖాతాల్లో డిపాజిట్ చేసింది. డబ్బు అలా తమ ఖాతాల్లోకి వచ్చిందని కన్ ఫర్మ్ చేసుకున్న ఘరానా మోసగాళ్లు ఆమెతో సంభాషణలు జరిపిన ఫోన్ నంబర్లను స్విచ్ఛాప్ మోడ్’లో పెట్టారు. ‘బంగారం’ పార్సిల్ చేతికందకపోవడం….కాబోయే భర్త ఫోన్ నంబర్లూ పనిచేయకపోవడంతో మోసపోయానని తెలుసుకుంది ఆ అమాయకపు టీచర్. చేసేది లేక పోలీసులను ఆశ్రయించింది. కేసు నమోదు చేసుకున్న పోలీసులు దర్యాప్తు చేస్తున్నారు.

Be the first to comment

Leave a Reply

Your email address will not be published.


*